Azərbaycan Hava Yolları vakansiya: “Bakıaeronaviqasiya” HHİ (Hava Hərəkətini İdarəetmə) Dispetçeri.

Vəzifə Öhdəlikləri

• Hava hərəkətini idarəetmə dispеtçеri, öz məsuliyyət zonasının müəyyən olunmuş sərhəd hüdudlarında radiotexnika və radiоlоkasiya vasitələri istifadə edərək hava gəmilərinin hərəkətini idarə edir.
• Hava gəmilərinin hərəkətinin idarə olunması prosesində, hava hərəkətinin təhlükəsizliyinə dair, hərbi hava qüvvələri və hava hərəkətinin idarə olunması üzrə qonşu dispеtçеr məntəqələri ilə qarşılıqlı əlaqədə işləyir.
• Hava gəmilərinin heyətlərinə uçuşun yerinə yetirilməsi haqqında dəqiq və vaxtında zəruri göstərişlər və məlumat verir.
• Nəzarət etdiyi yaxın zonalarda hava və meteoroloji vəziyyəti öyrənib təhlil edir, hava gəmilərinin təhlükəli meteotəzahür zonasına daxil olmasının qarşısını almaq üçün tədbirlər görür.
• Hava gəmilərinin təhlükəsiz hərəkəti təmin olunmadıqda, hava gəmilərinin heyətlərinə uçuşların yerinə yetirilməsini qadağan edir.

Tələblər

• Vətəndaşlıq: AR vətəndaşı olmaq
• Yaş: 22-30 yaş aralığında olmaq (uyğun təcrübə olmadığı halda), maksimum 35 (uyğun təcrübə olduğu halda)
• Təhsil: Ali aviasiya ixtisas təhsili
• Dil bilikləri: Azərbaycan – səlis, İngilis – ICAO üzrə 4-cü səviyyə aviasiya ingilis dili bilikləri
• Qavrama və tez reaksiya vermə bacarığı
• Məsuliyyət və intizamlı olmaq
• Komandada çalışmaq bacarığı

“Bakıaeronaviqasiya” HHİ (Hava Hərəkətini İdarəetmə) Dispetçeri vakansiyası ilə maraqlananlar CV-lərini Azərbaycan Hava Yolları-na göndərərək işə qəbul prosesində iştirak edə bilərlər. Son müraciyət tarixi 12 oktyabr 2024 il.