ABB Bank vakansiya: Əmək münasibətlərinin tənzimlənməsi şöbəsinin mütəxəssisi / aparıcı mütəxəssisi.

İş haqqında:

Əmək münasibətləri, əməkdaşların vəzifəyə təyin olunması, tibbi sığorta, məzuniyyət qrafiki, kargüzarlıq işləri, davamiyyət cədvəlləri, əmək haqqı hesablanması, Əmək Qanunvericiliyi.

Əmək münasibətlərinin tənzimlənməsi şöbəsinin mütəxəssisi / aparıcı mütəxəssisi olaraq, sizə əməkdaşların vəzifəyə təyin olunması, vəzifədən azad edilməsi, rotasiya, ezamiyyətə göndərilməsi və məzuniyyətə buraxılması ilə bağlı qanunvericiliklə müəyyən edilmiş qaydaları tətbiq etmək tapşırılacaq. Eyni zamanda, bank əməkdaşlarının tibbi sığortalanması ilə bağlı müvafiq tədbirləri həyata keçirəcək, illik məzuniyyət qrafikini hazırlayıb icrasına nəzarət edəcək və şöbənin kargüzarlıq işlərini aparacaqsınız. Şəxsi işlərin tərtib edilməsi, auditi, dəyişikliklərlə bağlı işçilərə sorğuların göndərilməsi və bu dəyişikliklərin insan resurslarının idarə edilməsi proqramına daxil edilməsi sizin məsuliyyətinizdə olacaq. Davamiyyət cədvəllərinə nəzarət edəcək, əmək haqqı hesablanması üçün zəruri işləri görüb aidiyyəti departamentə təhvil verəcək və əmək haqqı kartlarını sifariş edəcəksiniz. Eyni zamanda, bankın əməkdaşlarının Əmək Qanunvericiliyi ilə bağlı suallarını tam, dolğun və vaxtında cavablandırmaq da sizdən gözlənilir.

Bizim üçün uyğun namizəd:

• Ali təhsilli
• Minimum 2-3 il iş təcrübəsinə malik
• Tapşırığı nəzarətdə saxlayıb, təqib etmək bacarığı olan
• Diqqətli və operativ yanaşma bacarığı olan
• MS Office proqramları, xüsusilə MS Excel biliklərinə sahib şəxsdir

Əmək münasibətlərinin tənzimlənməsi şöbəsinin mütəxəssisi / aparıcı mütəxəssisi vakansiyası ilə maraqlananlar CV-lərini ABB Banka göndərərək işə qəbul prosesində iştirak edə bilərlər.