MKT İstehsalat Kommersiya: Sətəm üzrə mütəxəssis (Saatlı filialı).

Təsvir:

Sətəm üzrə mütəxəssis olaraq, siz aşağıdakı vəzifələri yerinə yetirəcəksiniz:

• Əməyin mühafizəsi haqqında normativlərə və standartlara, təhlükəsizlik texnikası qaydalarına və digər normativ sənədlərə riayət olunmasına nəzarət etmək.
• Müəssisin ərazisində xüsusi yanğından mühafizə vasitələrinin yerləşməsini müəyyənləşdirmək və onların daim hazır vəziyyətdə olmasını təmin etmək.
• Ətraf mühitin mühafizəsi üzrə qanunvericiliyə uyğun olaraq, təbii ehtiyatlardan səmərəli istifadə, təhlükəsizlik texnikası və əməyin mühafizəsi üzrə rəhbərliyin əmr və sərəncamlarının yerinə yetirilməsini təmin etmək.
• Kənd təsərrüfatı texnikasının istismarı və təmiri zamanı SƏTƏM qaydalarına əməl olunmasına nəzarət etmək.
• Təhlükəsizlik texnikası və əməyin mühafizəsi sahəsində vəziyyəti yaxşılaşdırmaq üçün planlar hazırlamaq.
• Təbii mühitin qorunması, təhlükəsizlik texnikası və əməyin mühafizəsi sahəsindəki fəaliyyətini təhlil etmək və müvafiq arayış və hesabatlar hazırlamaq.
• İşçilərin əməyin mühafizəsi qaydalarına riayət etməsinə nəzarət etmək və xüsusi geyim, ayaqqabı və digər fərdi mühafizə vasitələrinin saxlanılmasına, verilməsinə və istifadəsinə nəzarət etmək.
• İş planında və kollektiv müqavilələrdə əməyin mühafizəsi üzrə nəzərdə tutulan tədbirlərin yerinə yetirilməsinə nəzarət etmək.
• Əməyin mühafizəsi və təhlükəsizlik texnikasına aid olan rüblük və illik hesabatları hazırlamaq və təqdim etmək.
• Obyektlərin səs, vibrasiya, zərərli qaz, şualanma səviyyəsinin ölçülməsinə nəzarət etmək.
• Müvafiq struktur bölmələri ilə təhlükəsizlik qaydaları və normaları üzrə yeni layihələrin, standartların və digər sənədlərin baxılmasını təşkil etmək və müşavirə keçirmək.
• Təhlükəli və zərərli istehsalat amillərinin parametrlərinin ölçülməsinin təşkilində, əməyin mühafizəsi tələblərinə müvafiq iş yerlərinin və istehsal avadanlıqlarının attestasiya edilməsində kömək etmək.
• İstehsalatda bədbəxt hadisə və peşə xəstəliyi nəticəsində əmək xəsarəti almış işçilərə dəymiş zərərin müəyyənləşdirilməsi və ödənilməsi üçün sənədlərin hazırlanmasında iştirak etmək.
• İstehsalatda bədbəxt hadisələrin və peşə xəstəliklərinin qarşısının alınması, əmək şəraitinin yaxşılaşdırılması və əməyin mühafizəsi üzrə normativ hüquqi aktların tələblərinə çatdırılması istiqamətində tədbirlər hazırlamaq.
• Qurğuların, aqreqatların, dəzgəhların və digər avadanlıqların təmirdən sonra qəbul komissiyalarının işində iştirak etmək.
• Təlimatların yenidən işlənməsini təşkil etmək, işçilərə təhlükəsiz iş üsullarını öyrətmək və iş rəhbərlərinə metodiki yardım göstərmək.
• Əməyin mühafizəsi qaydalarına əməl olunmasına nəzarət etmək və aşkara çıxarılmış pozuntuların aradan qaldırılması barədə göstərişlər vermək.
• İş fəaliyyətini Əmək Məcəlləsi, əməyin mühafizəsi ilə bağlı norma və qaydalara uyğun təşkil etmək.
• Əməyin mühafizəsi işləri üzrə sənədləri baş mühəndislə razılaşdırmaq.
• Ətraf mühitin qorunması, əməyin mühafizəsi, texniki təhlükəsizlik, istehsalat sanitariyası və yanğından mühafizənin norma və qaydalarına riayət etmək.
• İstehsalatda bədbəxt hadisələrin araşdırılmasında iştirak etmək və müəssisə rəhbərləri ilə birlikdə hadisənin səbəblərini təhlil etmək.

Tələblər:

• Ali təhsil
• Sahə üzrə iş təcrübəsi
• Yüksək səviyyədə şifahi və yazılı ünsiyyət bacarıqları
• AR Əmək Məcəlləsinin əsaslarını bilmək
• Dəyərləndirmə, vaxtında doğru qərar qəbul etmə bacarığı
• Komanda ilə işləmək bacarığı
• Kənd təsərrüfatı sistemində işləyə bilmə bacarığı

Sətəm üzrə mütəxəssis (Saatlı filialı) vakansiyası ilə maraqlananlar CV-lərini MKT İstehsalat Kommersiya-ya göndərərək işə qəbul prosesində iştirak edə bilərlər. Son müraciyət tarixi 26 oktyabr 2024 il.