Azərsun Holding vakansiya: Komplayns üzrə mütəxəssis / Aparıcı mütəxəssis.

Tələblər:

• Ali təhsil.
• Ödəniş kartları, ekvayrinq və bank işi üzrə 2-3 illik iş təcrübəsi.
• Microsoft Office (Excel, Word, Outlook) proqramları üzrə yaxşı kompüter bacarıqları.
• Dil bilikləri: Azərbaycan dili – əla; rus və ingilis dili biliyi arzuolunandır.
• Minimum 2 il təcrübə (kredit və aidiyyəti sahələrdə).
• Analitik düşünmə qabiliyyəti, təhlil və hesabat vermə, problemləri müstəqil həll etmə qabiliyyəti.

İş haqqında məlumat:

• Şöbə daxili iş bölgüsünə və struktur rəhbərinin ƏL/TMM üzrə Məsul Şəxsin tapşırıqlarına əsasən cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericilikdən və bankdaxili qaydalardan irəli gələn vəzifələri yerinə yetirmək.
• Bankın müvafiq Screening Modulu üzrə əməliyyatları araşdırmaq, təsdiq və ya imtina etmək.
• Müştəri Xidmətləri Strukturları tərəfindən təqdim olunmuş hüquqi şəxslərin konvertasiya əməliyyatları ilə bağlı müraciətləri analiz etmək, təsdiq və ya imtina etmək.
• Bankın aidiyyəti əməliyyatlara nəzarət strukturu tərəfindən təqdim olunmuş müraciətlər əsasında hüquqi şəxs hesablarından fiziki şəxs hesablarına daxil olma əməliyyatlarını araşdırmaq və rəy bildirmək.
• Bankın avtomatlaşdırılmış məlumat sistemləri və müvafiq strukturları tərəfindən təqdim edilmiş müraciətlər əsasında qeyri-hökumət təşkilatı olan müştərilərin əməliyyatlarını öncədən araşdırmaq və icrası ilə bağlı rəy bildirmək.
• Nağdsız hesablaşmalarla bağlı Azərbaycan Respublikası qanununun tələblərinin icrasına nəzarət etmək, əməliyyatlarla bağlı aktları yoxlamaq, reyestrini aparmaq və əməliyyatlar üzrə öncədən rəy bildirmək.
• Müştəri Xidmətləri strukturlarının müraciətləri əsasında banka hesab açılması üçün müraciət etmiş hüquqi şəxslərlə bağlı ƏL/TMM üzrə araşdırma aparmaq və rəy bildirmək.
• Sanksiya tətbiqləri barədə yenilikləri izləyərək müştərilər və müxbir əlaqələr qurulması ehtimalı olan banklarla bağlı araşdırmalar aparmaq və rəy bildirmək.
• ƏL/TMM sahəsi üzrə Müştəri Xidmətləri strukturlarından daxil olmuş sorğuları cavablandırmaq, əməliyyatlar üzrə rəy bildirmək və metodoloji dəstək göstərmək.
• Aylıq olaraq Mərkəzi Banka QHT müştərilərin əməliyyatları üzrə hesabat təqdim etmək.
• Müxbir banklardan daxil olmuş ƏL/TMM sorğularının cavablandırılması üzrə işləri icra etmək.
• Bankın ƏL/TMM üzrə daxili qaydalarının tələblərinə əsasən əməliyyatların gündəlik monitorinqini aparmaq, cari və şübhəli əməliyyatlar barədə müvafiq məsul şəxsi məlumatlandırmaq və müvafiq hesabatları hazırlayaraq Maliyyə Monitorinq Xidmətinə təqdim etmək.
• ƏL/TMM sahəsində fəaliyyət üzrə əməkdaşlara ən azı 2 ildə bir dəfə təlimlərin keçirilməsində iştirak etmək.
• ƏL/TMM sahəsində əməkdaşların bank daxili qaydalara uyğunluğu barəsində rəhbərliyi məlumatlandırmaq və müvafiq tapşırıqları yerinə yetirmək.
• Bank tərəfindən istifadəyə verilmiş proqram alətlərinin istifadəsi və təkmilləşdirilməsi üzrə fəaliyyət göstərmək.
• Xarici hesablar üzrə Vergi Qanunvericiliyinə əməl etmə Aktı (FATCA) və Ümumi Hesabatlılıq Standartının (CRS) tələblərini yerinə yetirmək.

İş vaxtının norması:

• 5 günlük iş rejimi.
• İstirahət günləri: Şənbə və Bazar günü.

Vəzifə üzrə əmək haqqı və digər üstünlüklər:

• Əmək haqqı: Razılaşma yolu ilə.
• Nahar şirkət tərəfindən təmin edilir.

İş yeri:

• Bakı şəhəri.

Göstərilən tələblərə cavab verən namizədlər öz CV-lərini [email protected] elektron ünvanına göndərə bilərlər. Müraciət etdiyiniz vəzifənin adını e-mail-in mövzu hissəsində “Komplayns üzrə mütəxəssis” olaraq göstərməyiniz xahiş olunur.